Ir-Rapporti u l-Kontijiet Annwali għandhom jiġu sottomessi skont il-kategoriji msemmija hawn taħt:
Liġi
Rapporti u Kontijiet Annwali
Fil-aħħar tas-sena finanzjarja, kull Organizzazzjoni Volontarja skritta għandha tkun obbligata li tippreżenta s-sett tad-dokumenti tar-Rapporti Annwali lill-Uffiċċju tal-Kummissarju għall-Organizzazzjonijiet Volontarji.
Il-lista tad-dokumenti tinkludi:
-
Rapport Annwali
-
Rapport Annwali Dettaljat
-
Kontijiet Annwali (skont il-kategoriji msemmija hawn taħt)
-
Dikjarazzjoni għal Ġbir Pubbliku (jekk ma sar l-ebda ġbir pubbliku matul is-sena, dan għandu jiġi sottomess bħala “Nil”)
-
Struttura Organizzattiva (it-templat tal-istruttura organizzattiva hawn taħt għandu jintuża biss bħala kampjun. Nifhmu li organizzazzjonijiet differenti jistgħu jkollhom formati differenti. Jekk jogħġbok ibgħat wieħed rilevanti għall-organizzazzjoni tiegħek)
-
Lista tal-Amministraturi (din il-lista għandha tiġi pprovduta kemm f’format ta’ Excel bil-firem originali kif ukoll f’pdf. F’każ ta’ bidliet fl-amministraturi, għandhom jiġu sottomessi żewġ listi – waħda kif kienet fl-aħħar tas-sena u waħda bil-membri l-ġodda tal-bord. Kopja tal-Karta tal-Identità għandha tiġi ppreżentata u tali bidliet għandhom jiġu nnotifikati wkoll lil Malta Business Registry)
-
Formola ta’ Notifika ta’ Bidla fl-Indirizz (din il-formola għandha tiġi kompluta biss meta jkun hemm bidla fl-indirizz tal-organizzazzjoni)
-
Statut, jekk kien hemm xi bidliet – Għandhom jiġu sottomessi żewġ kopji, waħda bil-bidliet segwiti (track changes) u oħra finalizzata.
Dawn id-dokumenti kollha għandhom jiġu ffirmati minn mill-inqas żewġ membri tal-bord.
Jekk hemm xi bidliet fis-Statut, dawn għandhom jiġu datati u ffirmati minn kull Membru tal-Kumitat fuq l-aħħar paġna. Għandhom jinkludu l-Isem, Kunjom, In-numru tal-Karta tal-Identità, u d-Designazzjoni ta’ kull membru tal-Kumitat, kif ukoll l-inizzjali fuq kull paġna.
Kategorija 1
Dħul inqas minn €50,000:
għandhom jiġu sottomessi fi żmien 3 xhur wara t-tmiem tas-sena finanzjarja (il-formola tagħna ta’ Dħul u Ħruġ hija biżżejjed).
Kategorija 2
Dħul l’fuq minn €50,000 iżda inqas minn €250,000:
għandhom jiġu sottomessi fi żmien 6 xhur wara t-tmiem tas-sena finanzjarja (sett komplut ta’ kontijiet fil-GAPSME ffirmati minn ‘external warranted accountant’).
Kategorija 3
Dħul l’fuq minn €250,000:
għandhom jiġu sottomessi fi żmien 8 xhur wara t-tmiem tas-sena finanzjarja (sett komplut ta’ kontijiet fl-IFRS maħduma minn ‘external warranted auditors’).
Jekk l-istatut jinnota li l-kontijiet annwali għandhom jiġu awditjati jew irreveduti minn ‘accountant’ għall-Kategorija 1 jew 2, dawn għandhom jiġu ppreżentati skont kif indikat fl-istatut.
Ir-ritorni annwali għandhom jiġu sottomessi permezz tal-websajt Ibgħat Ir-Ritorni Annwali
Niżżel il-formoli hawn taħt sabiex tissottometti r-rapporti annwali u l-kontijiet annwali tiegħek.