Is-Sur Jesmond Saliba

Is-Sur Jesmond Saliba huwa l-Kummissarju għall-Organizzazzjonijiet Volontarji, wara li kiseb l-appoġġ unanimu tal-Kumitat għall-Ħatriet Pubbliċi tal-Parlament f’Awwissu tal-2021.

Matul dawn l-aħħar tletin sena, permezz tal-professjoni u l-interessi tiegħu, żviluppa passjoni kbira għall-ġustizzja soċjali u livell għoli ta’ fehim dwar l-elementi differenti li jiffurmaw is-soċjetà Maltija.

Huwa kien involut f’diversi oqsma fis-settur volontarju għal bosta snin, minn mużika u sport fil-lokalità tal-Fgura sa sport fuq livell nazzjonali. Saliba mexxa l-Assoċjazzjoni Maltija tal-Volleyball.

Matul l-aħħar għaxar snin, Saliba serva bħala membru fil-bord tad-diretturi ta’ Dar tal-Providenza u huwa wkoll membru ta’ Fondazzjoni Sebħ u Save a Life Foundation.

Għandu interess qawwi fil-komunikazzjoni, relazzjonijiet internazzjonali, diplomazija u affarijiet barranin, b’enfasi partikolari fuq l-Ewropa u l-Affarijiet Ewropej.

Jesmond għandu BA fil-Komunikazzjoni u r-Relazzjonijiet Internazzjonali mill-Università ta’ Malta u M.Sc. fil-Komunikazzjoni Korporattiva u Affarijiet Pubbliċi mill-Università RGU f’Aberdeen.

Jesmond huwa Membru tal-Chartered Institute of Public Relations u tal-Institute of Leadership and Management fir-Renju Unit.